S’Acadèmia de su Sardu sighit a mandai ainnantis sa faina «PO UNA SCOLA BILÌNGUA», cumentzada su 25 de maju de su 2018 cun su cumbènniu «Poita in sardu?» in Casteddu. Cun custa faina s’Acadèmia ponit in donu in su blog suu su mòlliu po pediri s’imparu de sa Lìngua sarda in sa Scola de gradu I (Scola de sa pipiesa e Scola primària) e po sa Scola segundària de gradu I (o Scola mesana de gradu I). Scarrighendi in donu de su blog nostu su mòlliu in formau pdf dònnia babbu e dònnia mama ddu podit imperai po pediri s’imparu de su sardu po is pipius e piciocheddus insoru, cunforma a su chi narant sa L. nr 482/1999 e sa L.R. 22/2018 po s’amparu e s’avaloramentu de is lìnguas de minoria. Arregordai-sì ca su sardu sighit a bivi chi ddu fueddaus e ddu scrieus.
PO UNA SCOLA BILINGUA
COMUNICAU DE SU PRESIDENTI
COMUNICAU DE SU PRESIDENTI Biu su Decretu de su Guvernu asuba de su perìgulu de su coronavirus fatzu sciri ca totu is presentadas de Su Sardu Standard calendarisadas po su mesi de martzu funt annuddadas e stesiadas apustis de s’emergèntzia sanidària. Ddas arrecuperaus prus ainnantis cun dii de torrai a cuncordai.
![](https://www.academiadesusardu.org/wp-content/uploads/2023/09/Grafica-comunicato-camp-223-670x670.jpeg)
De Ballau unu mudamentu po sa lìngua sarda. Cumentzat s’imperu de Su Sardu Standard
S’Acadèmia de su Sardu APSsi-ndi prexat de s’afillamentu de sa Norma Campidanesa de Su Sardu Standard achìpia cun delìbera de su Consillu comunali de Ballau nr 30 de su 22.08.2023 De imoi ainnantis at a essi custa sa norma de arreferimentu po totu is comunicatzionis in sardu-campidanesu de su Comunu de Ballau. De sa publicatzioni de su lìburu Su Sardu […]
![](https://www.academiadesusardu.org/wp-content/uploads/2023/10/image0-670x670.jpeg)
COMUNICAU DE «ACADÈMIA DE SU SARDU APS» PO SU CHI PERTOCAT SA RATÌFICA DE SA CARTA EUROPEA DE IS LÌNGUAS DE MINORIA E REGIONALIS
Comunicau nr 03/2023 Cun custu comunicau s’assòtziu culturali «Acadèmia de su Sardu APS», de annus impinniau in sa defensa, avaloramentu e afortiamentu de s’imperu de sa lìngua sarda fueddada e scrita, INTERBENIT asuba de sa chistioni bècia de sa ratìfica de sa Carta europea de is lìnguas regionalis e minorisadas (1992). «Acadèmia de su Sardu APS» est de su parri […]
Documentu de is dotoris de su maistàrgiu asuba de sa lìngua standard LIMBA SARDA COMUNA deliberada de sa Giunta Regionali
Po no scaresci. In s’istadi de su 2006 fiat bessiu su “Documentu de is dotoris de su maistàrgiu asuba de sa lìngua standard LIMBA SARDA COMUNA deliberada de sa Giunta regionali” stèrriu de sa classi de su maistàrgiu universidàriu de II livellu in Acostu interdisciplinàriu a sa didàtica de su Sardu (AA 2005-2006). Est unu documentu stòricu, un’arradiugrafia funduda de […]
![](https://www.academiadesusardu.org/wp-content/uploads/2021/11/PHOTO-2021-11-11-15-21-28-670x897.jpg)
COMUNICAU DE ACADÈMIA DE SU SARDU ASUBA DE SU BANDU IMPRENTAS PO S’EDITORIA IN LÌNGUA SARDA DE S’ANNU 2021 – 2022
Comunicau nr 01/2021 COMUNICAU DE ACADÈMIA DE SU SARDU ASUBA DE SU BANDU IMPRENTAS PO S’EDITORIA IN LÌNGUA SARDA DE S’ANNU 2021 – 2022 In arreferimentu a s’ùrtimu bandu “Avviso Pubblico Imprentas 2021 – 2022 – Utilizzo della lingua sarda, del catalano di Alghero e del sassarese, gallurese e tabarchino nel settore dei mass media, dell’editoria, dell’informatica e del web”, […]
Comunicau Comunicadu Comunicato
COMUNICAU S’Acadèmia de su Sardu onlus si-ndi prexat de s’afillamentu de is Arrègulas po ortografia, fonètica, morfologia e fueddàriu de sa Norma Campidanesa de sa Lìngua Sarda, avotada a totòmini de su Consillu Provìntziali de Casteddu su 17 de martzu 2010. De imoi ainnantis at a essi custa sa norma de arreferimentu po totu is comunicatzionis in sardu-campidanesu de sa […]
Leave a comment